ڈیپریشن

Posted in دھوپ کا خیمہ

ڈیپریشن

خوف کے جزیرے میں۔۔قیدہوں میں برسوں سے۔۔دورتک  فصیلیں ہیں
اور ان  پہ لوہے  کی۔۔اونچی  اونچی  باڑیں ہیں۔۔نو ک دا ر  کیلیں ہیں
ڈالتا  کمندیں   ہوں۔۔ جیل  کے  کناروں   پر  ۔۔  خاردار  تاروں  پر
سیٹیاں  سی  بجتی ہیں۔۔دیر تک  سماعت  میں۔۔پہرے  دار  آتے  ہیں
بیڑیاں  سی  بجتی   ہیں۔۔پائوں  کو  اٹھانا  بھی ۔۔ہاتھ  کو  ہلانا   بھی
جسم  بھول  جاتا ہے۔۔جرم  بھی  نہیں  معلوم ۔۔عمر  بھی  نہیں  معلوم
کچھ پتہ  نہیں  مجھ  کو۔۔اس  طرف  فصیلوں کے۔۔کس  قدر سمندر ہے
کشتیاں بھی  چلتی ہیں۔۔بادباں بھی  کھلتے ہیں۔۔نور کے جہاں بھی ہیں
جسم کے مکاں  بھی ہیں۔۔آدمی وہاں  بھی ہیں۔۔چھوڑئیے۔نہیں  جاتے
کیا کریں گے  باہر بھی۔۔ٹھیک ہیں  فصیلوں میں۔۔آنسووٴں کی جھیلوں میں
چاند  کو  اتاریں  گے ۔۔بے حسی  کے  ٹیلو ں  پر۔۔نقشِ پا  ابھاریں گے
جیل کی  عمارت  میں۔۔زندگی  گزاریں  گے۔۔موت  کے  گلمیر  میں
ڈوب ڈوب  جائیں گے۔۔قبر کے  اندھیر ے سے۔۔ رات کو  سجائیں گے
                   موت  کا  فسردہ  پن۔۔ کتنا  خوبصورت  ہے    
               اک جہاں  اداسی کا۔۔اب مری  ضرورت ہے