لہو کا آئینہ خانہ

Posted in عہد نامہ


لہو کا آئینہ خانہ

طلسم ِ مرگ کے جادومیں محوِ استراحت ہیں           
نگر زنبیلِ ظلمت رُو میں محو استراحت ہیں
شبیں چنگاریوں کے بستروںمیںخواب بنتی ہیں       
اندھیرے راکھ کے پہلو میں محوِ استراحت ہیں
خموشی کا بدن ہے چادرِ باردو کے نیچے           
کراہیں درد کے تالو میں محوِ استراحت ہیں
پہن کر سرسراہٹ موت کی ، پاگل ہوا چپ ہے        
فضائیں خون کی خوشبو میں محوِ استراحت ہیں
کہیں سویا ہواہے زخم کے تلچھٹ میں پچھلا چاند       
ستارے آخری آنسو میں محوِ استراحت ہیں

ابھی ہو گا کسی بم سے اجالا۔۔بس ابھی ہوگا       
یہ خطہ پُرسعادت، اے فروغِ دیدہ ءتقویم
ابھی ہو گا شعاعوں کے لہو سے آئینہ خانہ           
مرا دشتِ شہادت ،اے رسولِ کوثر و تسنیم